Lamine Yamal është njëri nga lojtarët më të mirë në botë për momentin.

Fantazisti spanjoll është akoma 17-vjeçar dhe po mban mbi supe një ekip si Barcelona, shkruan Arbresh.info.

Ai debutimin me këtë klub e ka bërë fiks para dy vjetësh, teksa sonte po e luan ndeshjen e tij të 100-të jubilare ndaj Interit në gjysmëfinalen e parë të Ligës së Kampionëve.

Yamal ka shënuar gol në këtë sfidë teksa rezultati është 2-2.

Deri më tani në këtë moshë ai ka realizuar 22 gola dhe ka dhuruar 33 asistime.

Nëse e krahasojmë spanjollin me dyshen më të mirë në histori Cristiano Ronaldon dhe Lionel Messin, sa ata ishin në këtë moshë, ylli i ri spanjoll ka statistika të frikshme.

Lamine Yamal si 17-vjeçar: 100 ndeshje, 22 gola, 33 asistime, Cristiano Ronaldo sa ishte në atë moshë ka luajtur, vetëm 19 ndeshje duke realizuar, pesë gola e katër asistime.

Kurse, Lionel Messi si 17-vjeçar ka luajtur nëntë ndeshje duke shënuar një herë, derisa asistime nuk ka pasur./Arbresh.info